IUJU-IUJU, OLENTZEROTXU!
Gogotsu geunden,
bai! Ai ama, Olentzeroren etxera 3-4 eta 5 urteko guztiok! Ia, errepasoa:
formalak izan garen galdetu ezkero, guk baietz; laguntxoen lagun garen jakin
nahi badu, ba haserretxoak izaten ditugula noizean behin, baina elkarri barkatu
eta konponbidea topatzen ikasiz goazela. Ui-ui, ikazkina bada, ikatza ere
franko izango du!
Guk behintzat
gutuna idatzita eraman genion; gauza bakarra aukeratzea… hura bai gatxa! Mungian
eguzkitsu eta aterri; hamaiketakoa, barrura zoragarri eta Mariren kobazulora
egindako bidaia, hura bai fantastikoa eta zirraragarri! Bidera atera
zitzaizkigun Martzelina sorgina, Maritxu Teilatuko, Sugaar, Akerbeltz, Mari
Domingi, Galtzagorri eta Lamina. Napo astoren arrantza ez zen batere fina!
Kox-kox-kox… Non
zaude Olentzero? Hementxe, neure maiteok! Ez zen ba potoloa, baina bai oso
sinpatikoa. Azkenean, jarri altzuan, musu eman, gutuna sartu zakuan eta
datorren urtera arte dabilela Olentzero basuan.
No hay comentarios:
Publicar un comentario