ETORKIZUNEKO BASERRITARTXOAK MALLAGOIRA.
2 eta 3 urtekoen
abenturatxoa izan zen, eskola osteko burdi-bidean zehar Mallagoi baserriko
behiak ikustera joatearena. Jantokiko Arantza, Mallagarai bere baserrian zegoen
zain, etxeko zaldi, moxal, txakur eta katakumeak erakusteko. Eta Mallagoin,
Ruben eta “9872”
izeneko pazientzi ikaragarrizko behi apala, arbola bati lotura gu jezteko
prest. Teorikoa lehenengo, motza, eta praktikoa gero, gozamenerako. Fru! Fru!
entzutekoa esneak presioan irtetean balde zuriaren kontra egiten zuen hotsa!
Behiaren errapepera ere hurbildu ziren banaka batzuk, lasai askoan gainera!
Eskuarearekin belarra batu, jaten eman gure maskotari, Ametsen urtebetetzea
ospatu, olgau zatitxo baten eta benetako esnea dranga-dranga edan ostean,
tipi-tipa eskolara berriro. Baina pozik, akabo ba!